Como parte do noso coñecemento do entorno cultural fixemos parte do traballo centrado na toponimia. As aulas dos maiores tiveron a oportunidade de coñecer de primeira man os estudos realizados por Anxo Rodriguez Lemos sobre "Toponimia do Val do fragoso. Santo André de Comesaña" no que puideron coñecer a orixe dos nomes dos lugares de Santo André e de moitas familias que alí viven. Tamén coñecemos tódolos elementos patrimoniais da zona. Con esta listaxe deseñamos a actividade dos roteiros nos que embarcamos as familias e que describimos noutra pestana.
Os maiores tamén fixeron un percorrido polos montes da contorna aprendendo como coidar o que é o noso maior tesouro.
O Xornal Don Moucho recolle estas dúas experiencias e tamén temos fotos da saída ao Monte Rego Loureiro.
SAÍDA AO ENTORNO
Tamén tivemos a oportunidade de coñecer de primeira man o traballo do grupo teatral da zona "Lohengrin". Este grupo ten a súa sede no noso barrio e por el foron pasando algúns antigos alumnos. Viñeron presentarnos a súa obra "A mirada das bolboretas " e fixeron que desfrutasemos moito coas súas trécolas.
TEATRO
A cita clásica anual de atletismo do Cross Párroco Don Camilo, que celebraba o seu 30 aniversario tamén foi un bó momento para compartir e gozar con tódalas familias do centro e moitas outras que se achegaron ata aquí.
CROSS
Ningún comentario:
Publicar un comentario